Әхмәт Лотфуллиндың картиналарына йән өргәндәр

Ғафури район мәҙәниәт йортонда үткән күргәҙмәлә Әхмәт Лотфуллиндың картиналарын тергеҙгәндәр. Һуғыштан һуңғы ауырлыҡты үҙ күҙҙәре менән күргән рәссам ысынбарлыҡты һүрәтләгән: тормош михнәттәренә бирешмәгән, бер-береһенә терәк, кәрәк булып йәшәгән "Өс ҡатын", атаһын, улын, ирен күҙ талдырып көткән "Көтөү" картинаһы образдары, донъяны баҫырлыҡ һағыш менән тулған "Хушлашыу" картинаһындағы йәш ғаилә...

- Башта ошо эшкә уйын кеүек кенә тотоноп киткән хеҙмәттәштәремә шул ваҡыттың еле ҡағылған кеүек булды: бер аҙға етдиләнеп, моңайып киттеләр. Шулай булмай ни: һуғыш михнәттәрен күргән быуындың балалары бит беҙ, - ти Красноусол башҡорт гимназияһы директоры Гөлсөм Монасипова.

https://vk.com/kurultaibashkir