Көйөргәҙе районы башлығы үҙ теләге менән МХО-ға юллана

Был хаҡта тура бәйләнештә Башҡортостан Башлығы Радий Хәбиров белдерҙе. Юлай Ильясов районға 2019 йылдан етәкселек итә. 2008 йылда Өфө хакимиәте башлығы урынбаҫары, шул уҡ йылдың 12 авгусында баш ҡаланың Киров районы хакимиәте башлығы итеп тәғәйенләнгән. 2010 йылдың авгусынан 2012 йылдың ғинуарына тиклем — Башҡортостандың ер һәм мөлкәт мөнәсәбәттәре министры. Һуңғы 7 йылда "Башнефть" нефть компанияһында эшләгән.