Вахтовикты Өфөлә ҡоллоҡҡа биргәндәр...

Башҡортостанда 1 ғинуарҙа Пермь вокзалынан сәйер шарттарҙа юғалған 45 йәшлек Евгений Созинды тапҡандар. «ПрикамьеПоиск» эҙләү отряды ирекмәндәре һүҙҙәренсә, ирҙе ялған юл менән эш йортона алып киткәндәр.

Евгений Яңы йыл төнөндә Мәскәүҙән Губах ҡалаһына ҡайтып килгән булған. Уға Яңы йылды Пермь станцияһына ҡаршы алырға тура килә һәм шул ваҡытта уға үҙҙәрен СВО ветеранадарыбыҙ тип таныштырған ике егет эсергә тәҡдим итә. Эскәндән һуң вахтовиктың хәле насарайған, артабан улар уны таксиҙа алып киткән.

Уны Өфөләге ниндәйҙер урынға алып килгәндәр, паспортын һәм телефонын алып, һаҡ аҫтындағы фатирҙа тотҡандар. Евгенийҙы табырға урам видеокүҙәтеү камералары ярҙам иткән. Уға ярҙамға Пермь ирекмәндәре һәм полицейскийҙары килгән.