Колл-үҙәккә ниндәй һорауҙар менән мөрәжәғәт итәләр?

«Рәсәй президентын һайлау-2024» йәмәғәт матбуғат үҙәгендә колл- үҙәк  вәкиле Салауат Мусифуллин сығыш яһаны.

Салауат Ришат улы белдереүенсә, шылтыратыуҙарҙың 90 проценты һайлау участкаһының адресы, өйҙә тауыш биреү мөмкинлеге, ниндәй участкаға ҡарау кеүегерәк һорауҙарға ҡағыла. Ҡалғандары  - һайлауҙарға бөтөнләй ҡағылмаған мөрәжәғәттәр. Мәҫәлән, берәү һөткә хаҡ артыуы буйынса дәғүә белдергән.

Белгес һүҙҙәренсә, иртәгә, 17 мартта, колл-үҙәк иртәнге сәғәт 8-ҙән киске 9-ға тиклем шылтыратыуҙар ҡабул итә. Номеры: 7(3472) 18-16-84.