Ағиҙел йылғаһында юғалған үҫмерҙәрҙе эҙләү дауам итә

Өфөлә Ағиҙел йылғаһында юғалған ике үҫмерҙе эҙләү дауам итә. Граждандарҙы яҡлау идаралығы һыу ятҡылығын тикшереү видеоһын баҫтырып сығарған.

Малайҙарҙы иҫән-һау табырҙар тип ышаналар. Волонтерҙар юғалғандар тураһында фейктар таратмауҙы һорай.

Хәтерегеҙгә төшөрәбеҙ, 14 йәшлек Дамир Әҙеһәмов менән 13 йәшлек Павел Паличев шәмбе, 30 мартта, 6-сы пристань янында юғалғайны. Һыу ятҡылығынан алыҫ түгел урманда малайҙарҙың рюкзактары табылған. Үҫмерҙәрҙең юғалыу факты буйынса енәйәт эше ҡуҙғатылған, уны Рәсәй Тәфтиш комитеты башлығы Александр Бастрыкин контролгә алған.