Башҡортостанда көндәрҙең йылыныуы көтөлә. Ошо хаҡта төбәк синоптиктары һөйләне. Уларҙың һүҙҙәренсә, был аҙнала термометр бағанаһы 14 градусҡа тиклем күтәреләсәк.
Алдағы ике көндә, 3 һәм 4 апрелдә, яуым-төшөм фаразланмай. Томан һәм ямғыр сигенә, ә уларға алмашҡа ҡоро һауа торошо киләсәк. Синоптиктар был көндәрҙә киҫкен ел иҫеүен көтә.
- Һауа температураһы шаршамбы һәм кесаҙнала төндә 0, +5, көндөҙ +9, +14 градус була, - тип асыҡлыҡ индерҙеләр Башгидрометүҙәктә.
Бөгөн, 2 апрелдә, төндә һәм иртән урыны менән томан төшөүе көтөлә. Ел көньяҡтан, көньяҡ-көнбайыштан талғын. Һауа температураһы көндөҙ 7, 12 градус була.
Фото: https://ru.freepik.com/free-photo/woman-on-her-back-looking