Легендар дикторҙың яҡты иҫтәлегенә...

Бөгөн Өфөнөң «Динамо» стадионында Башҡортостандың киң мәғлүмәт саралары вәкилдәре араһында Башҡортостандың легендар дикторы һәм халыҡ артисы Әхәт Мортазиндың иҫтәлегенә арналған волейбол буйынса иҫтәлекле турнир үтте. Бәйгелә ҡатнашыусылар еңеү өсөн генә түгел, күренекле шәхесте иҫкә алыу хөрмәтенә ярышты.

Беренсе урынды "Башҡортостан 24" ДТРК-һы яуланы (капитаны – Закир Шәрипов);
икенсе урында – “Туғандар” командаһы (капитаны - Салауат Мортазин);
өсөнсөлә БСТ телеканалы (капитаны - Руслан Ғәйнәнов)
дүртенселә “Йондоҙло команда" (капитаны – Кинйә Кускилдин)
бишенселә - "Юлдаш" радиоһы (капитаны - Альберт Рамазанов) һәм “Матбуғат йорто” командаһы, капитаны – (Илгиз Ишбулатов).

Турнирҙың иң шәп уйынсыһы - "Юлдаш" радиоһынан Альберт Рамазанов. Иң яҡшы бәйләүсе исеменә Башҡортостан юлдаш телевидениеһы ветераны Рафаэль Йосопов лайыҡ булды. Иң яҡшы һаҡсы тип - йондоҙҙар командаһынан Кинйә Күскилдин, иң яҡшы һөжүм итеүсе тип "Матбуғат йорто"нан Эльмира Лежнёва танылды. 

Айрат Нурмөхәмәтов фотолары.