+10 °С
Болотло
Былтыр Хәйбулла районы Әбүбәкер ауылы “Айыҡ ауыл” конкурсында ҡатнашып, призлы урын алғайны. Конкурста еңгән өс миллион ярым һум аҡсаға ауыл халҡы заманса балалар майҙансығы төҙөттө, ауыл күперҙәрен ремонтлатты, ауыл клубы һәм Бөйөк Ватан һуғышы һәйкәлен кәртәләтте.
Бына бөгөн, ниһайәт, Балаларҙы яҡлау көнөндә, парктты асыу тантанаһы уҙҙы. Шулай уҡ, был көндө Назаровтар идеяһына таянып, Ветерандар аллеяһы асылды. Әбүбәкер ауылынан 78 ир-егет фронтҡа китә, тик 32 һалдатҡа ғына еңеү менән ауылға ҡайтырға насип була. Ауыл халҡы үҙҙәренең яугирҙарына арнап, ағастар ултыртҡайны. Һәр береһе һыу ҡойоп, үҫентеләрҙе ҡарайҙар.
Гүзәл БОХАРБАЕВА.