Белем көнө - 2 сентябрҙә

Башҡортостан уҡыусылары яңы уҡыу йылын ғәҙәттәгесә 1 сентябрҙә түгел, ә 2 сентябрҙә башлаясаҡ. Был хаҡта социаль селтәрҙә БР мәғариф һәм фән министры Илдар Мәүлетбирҙин хәбәр итте. Ул 1 сентябрҙең ял көнөнә — йәкшәмбегә тура килеүен аңлатты. Шуға күрә дәрестәрҙең беренсе көнө дүшәмбегә күсерелә.

"Ҡәҙерле балалар, хөрмәтле коллегалар, ата-әсәләр! Быйыл Белем көнөн үткәреү тураһында һорауҙар килә. Белем биреү ойошмаһында уҡыу йылы 1 сентябрҙә башлана. Әгәр был көн ял көнөнә тура килһә, был осраҡта уҡыу йылы уның артынан килгән беренсе эш көнөндә башлана. Шулай итеп, 2024-2025 уҡыу йылы быйыл 2 сентябрҙә башлана", - тип хәбәр итте министр.