Республика һайлауҙарға әҙер

6, 7 һәм 8 сентябрҙә республикала бер үк ваҡытта 218  һайлау кампанияһы: Башҡортостан Башлығын һайлау, 54- се Өфө бер мандатлы округы буйынса Башҡортостан Дәүләт Йыйылышы-Ҡоролтай депутатын өҫтәмә һайлау һәм ҡала, район һәм ауыл советтары депутаттарын һайлау буйынса 216 һайлау кампания үтәсәк. Башҡортостан Башлығын һайлауҙа 5 кандидат ҡатнаша. 4 кандидат 54 – се Өфө бер мандатлы округы буйынса Башҡортостан Дәүләт Йыйылышы-Ҡоролтайға өҫтәмә һайлауҙа депутат мандатына дәғүә итә. Ҡала, район һәм ауыл советтары депутаттарын һайлауҙа 4 484 кандидат ҡатнаша, шул уҡ ваҡытта 1 775 мандат алмаштырыла. Уртаса конкурс  бер урынға 3 кеше дәғүә итә.

 Республика һайлауҙарға әҙер. Берҙәм тауыш биреү көнөнә әҙерлекте РФ Үҙәк һайлау комиссияһы ағзаһы Евгений Шевченко шулай баһаланы.

– Республика  тулыһынса әҙер. Кандидаттарҙы теркәү тамамланды. Башҡортостанда 10 сәйәси партия һайлауҙарҙа ҡатнашырға ҡарар итте. Бөтәһе лә үҙ кандидаттарын тәҡдим итә һәм теркәй алды. Төбәк Башлығын һайлауға килгәндә, кандидатлыҡҡа документтар тапшырған бөтә кандидаттар ҙа кандидатлыҡҡа ярҙам итеү өсөн кәрәкле күләмдә ҡултамғалар йыя алды. Улар тикшерелә, документтар ысынбарлыҡҡа тап килә һәм бөтә дәғүәселәр теркәлә. Кандидаттарҙы күрһәтеүҙә бөтә биш парламент партияһы ла ҡатнашты, – тип хәбәр итте Республика менән идара итеү үҙәгенән «Сәләм» программаһында тура эфирҙа Евгений Шевченко .

2024 йылғы һайлауҙарҙа 10 партия вәкиле һәм үҙәренең кандидатураларын депутатлыҡҡа тәҡдим итеүселәр ҡатнаша.