Экзит-полл һөҙөмтәләре

Сәйәсәт фәндәре кандидаты, БР Мәҙәниәт министрлығының Гуманитар тикшеренеүҙәр үҙәге директоры Марат Мәрҙәнов экзит-полл һөҙөмтәләрен иғлан итте. 24 меңдән ашыу респонденттан һорашыу һөҙөмтәһе шундай: Радий Хәбиров 74,74 процент тауыш алған. Ҡалған кандидаттарҙың яҡынса 3 – 5 процент самаһы. Күрһәткестәр яҡын булыуы сәбәпле, һәр береһен айырым билдәләмәгәндәр. Һорашыуҙар өс көн дауамында һайлау участкалары алдында ойошторолған.

(Экзит-полл – тауыш биреп сыҡҡас, һайлау участкалары янында граждандарҙан һорашыу процедураһы, социологик опрос)