Киләсәктә 13-сө пенсия түләрҙәрме?

Дәүләт Думаһы вице-спикеры Борис Чернышов (ЛДПР) йыл аҙағына тиклем Дәүләт Думаһына пенсионерҙарға 13-сө пенсияны йыл һайын түләү тураһында закон проектын индереләсәген белдерҙе.

Уның һүҙҙәренсә, закон проекты үҙенең актуаллеген юғалтмай, киреһенсә, уға ихтыяж арта.

«Беренсе тапҡыр хуплау тапмаған ошо документты эшләп бөтөрөргә һәм уны йыл аҙағына тиклем ҡабаттан индерергә ниәтләйем», - тип Чернышовтың һүҙҙәрен килтерә РИА Новости.

Фото: РИА Новости.