Журналдың яңы һаны сыҡты

Журналдың тышлығын Наҙгөл менән Юлай Ҡасимовтар ғаиләһе биҙәй. Улар тураһында мәҡәләне 44-48 битәрҙә уҡырға мөмкин.

Был һандың тәүге бите Өфөнөң Рауил Бикбаев исемендәге 102-се башҡорт гимназияһында йәш быуынға белем биргән Айрат МОСТАФИН тураһында.

Журналда шулай уҡ МХО-ла хеҙмәт иткән Әбәйлил районы Иҙәш Ҡусҡары ауылынан бер туғандар Әлфиә менән Зариф Кинйәбулатовтар хаҡында. Әҙәбиәт һөйөүселәргә Башҡортостандың халыҡ яҙыусыһы Әхиәр Хәкимовтың "Эшелон" повесы, Гөлнәзирә Ҡашҡарованың "Илама һин, ямғыр..." хикәйәһе хикәйәһе тәҡдим ителә.

Башҡортостандың халыҡ артисы Лилиә Ишемйәрова менән әңәгәмә ҡорҙоҡ. Ҡыҫҡаһы, тағы ла бихисап ҡыҙыҡлы, фәһемле яҙмалар бар. Уларын журналды ҡулығыҙға алғас, үҙегеҙ күрерһегеҙ.