Яу яланында яраланған журналист тыуған яғына ҡайтты

 Өфөнән журналист Павел Самойлин өйөнә ҡайтты. Кисә уны тимер юл вокзалында туғандары, дуҫтары, хеҙмәттәштәре ҡаршы алды. 

Павел Махсус хәрби операция зонаһында  ауыр яраланғандан һуң Мәскәү госпиталендә дауалана. Ул  2023 йылдың ноябрендә Донбасҡа контракт буйынса хеҙмәт итергә киткән.  Быйыл апрель башында хәрби хеҙмәткәр мөғжизә менән иҫән ҡала. Яҡташыбыҙ  дрон-камикадзе һөжүменә дусар була. Яугир ҡаты яралана, аңын юғалта, дүрт көн емереклектәр аҫтында ята. Дошман уты һүнгәс, хеҙмәттәштәре уны һуғыш урынынан эвакуациялай. Кисә Павел Самойлиндың Рәсәй президенты указы менән Батырлыҡ ордены менән бүләкләнеүе билдәле булды.

Фото: Даян Теүәлбаев