Баймаҡ районының Ниғәмәт ауылынан Әмир Юлғотлин Һаҡмар йылғаһында биш килограмлыҡ суртан тотҡан. Был уның беренсе рекорды түгел — былтыр ул ете килограмлыҡ балыҡ тотҡан.
—Һаҡмар йылғаһынан алыҫ китмәйем. Бында ғына балыҡ тотам. Ҡайһы берҙә генә Талкаҫ күленә сығам, - ти Әмир ағай.
Әмир Юлғотлин әйтеүенсә, балыҡ тотоу уға күңел тыныслығы бирә. «Йәй көнө иртән һәм кис икешәр сәғәт балыҡ тотам, ә ҡыш көнө был ваҡыт миңә тағы ла нығыраҡ оҡшай. Был тынлыҡ һәм саф һауа осоро, тынлыҡтан ләззәт алырға мөмкин», - ти ул.
Афарин, Әмир ағай!
