Ирекмәнлек - яуаплы хеҙмәт

Хәйбулла районы башҡорттары ҡоролтайы хәбәр итеүенсә, ирекле ярҙам Федоровка ауылы халҡының күптән инде айырылғыһыҙ өлөшөнә әйләнгән. Махсус хәрби операцияла ҡатнашыусыларға ярҙам күрһәтеүен дауам итә ауыл ҡатын-ҡыҙҙары, ошо көндәрҙә улар йәнә мәҙәниәт усағында йыйылған.

Ирекмәндәр көнөндә Федоровка ауыл биләмәһе башлығы Наталья Лебедева әүҙемдәрҙе билдәләп үткән һәм ярҙамға, иғтибарға, хәстәрлеккә мохтаждарға даими булышлыҡ күрһәтеүселәргә грамоталар, иҫтәлекле бүләктәр тапшырған. Осрашыу файҙалы эш менән - ауыл халҡының ҡоро душ эшләүе менән дауам иткән.