Башҡорт телен һаҡлап ҡалыу мөһим

- Башҡорт теленән халыҡ-ара диктант быйыл бөтә донъя буйынса йөҙәр мең ҡатнашыусыны йыя. Был мөһим ваҡиға башҡорт теленең көслө һәм әүҙем тормошо тураһында һөйләй, ул кешеләрҙе мәҙәни мираҫты өйрәнеүгә һәм һаҡлауға илһамландырыуын дауам итә. Бында Башҡорт телен һаҡлау һәм үҫтереү фонды айырым роль уйнай, уның эшмәкәрлеге Гөлназ Йосопова етәкселегендә туҡтауһыҙ энтузиазм менән тормошҡа ашырыла. Уның эшенә тоғролоғоноң һөҙөмтәһендә башҡорт телен, шул иҫәптән һанлы форматта пропагандалауға йүнәлтелгән бик күп әһәмиәтле проекттар ғәмәлгә ашырыла, был уны киң аудитория өсөн аңлайышлыраҡ итә, - тине Радий Фәрит улы.

"Иртәгә республика Башҡорт теле көнөн билдәләй. Мин ошо мөмкинлектән файҙаланып, барығыҙҙы ла яҡынлашып килгән байрам менән ҡотлайым! Балаларыбыҙҙың бәләкәйҙән туған телде өйрәнеүҙәре үтә мөһим. Бөгөн был эш 800-ҙән ашыу балалар баҡсаһында әүҙем алып барыла, әммә беҙ уны камиллаштырыуға ынтылырға тейешбеҙ. Башҡорт телен өйрәнеүҙе балалар өсөн ҡыҙыҡлы һәм мауыҡтырғыс итәсәк яңы методикалар әҙерләргә кәрәк. Бында Мәғариф һәм фән министрлығы, Башҡорт ҡоролтайы, Аҡмулла педагогия университеты һәм Мәғарифты үҫтереү институтының берлектәге эше талап ителә. Күмәк көс менән генә телебеҙҙең һәм мәҙәниәтебеҙҙең киләсәген тәьмин итә аласаҡбыҙ", - тине Башҡортостан Башлығы.

 Фото:Glavarb.ru