“Үҙ ғаиләм” ғаилә форумы үтәсәк

2025 йылдың 5 мартында “Торатау” конгресс-холында Башҡортостан Республикаһының Ғаилә, хеҙмәт һәм халыҡты социаль яҡлау министрлығы булышлығында ойошторолған “Үҙ ғаиләм” ғаилә форумы үтәсәк.

Форум ғаилә ҡиммәттәрен нығытыуға, тәжрибә уртаҡлашыуға һәм балаларҙы тәрбиәләү, һаулыҡ һәм үҫтереү мәсьәләләре буйынса файҙалы мәғлүмәт алыуға йүнәлтелгән.

Сара сиктәрендә тематик ижади майҙансыҡтар ойоштороласаҡ.

- Профессиональ фото төшөрөү, ғаилә портреттары өсөн макияж эшләү.

- Ғаилә йәрминкәһе, унда ҡунаҡтар 8 Мартҡа бүләктәр һайлап ала ала.

- Ата-әсәләр һәм буласаҡ әсәйҙәр өсөн тәрбиә, һаулыҡ һәм үҙ-үҙеңде тәрбиәләү буйынса белгестәрҙең сығышы.

- Балалар һәм ата-әсәләр өсөн ижади, белем биреү һәм физик үҫешкә арналған оҫталыҡ дәрестәре.

- Көнүҙәк темаларға үҫмерҙәр өсөн лекторий.

- Балалар өсөн үҫтереүсе һәм әүҙем уйындар.

- Ғаилә өсөн тауарҙар һәм хеҙмәттәр йәрминкәһе.

- Ғаилә коллективтары ҡатнашлығында концерт программаһы.

Форум файҙалы аралашыу, республиканың алдынғы эксперттары менән осрашыуҙар һәм ата-әсәләр араһында тәжрибә уртаҡлашыу өсөн майҙансыҡ буласаҡ. Шулай уҡ сарала балалы ғаиләләргә ярҙам күрһәтеүсе ойошмалар ҡатнашасаҡ.

Ҡала халҡын 5 мартта “Торатау” конгресс-холында “Үҙ ғаиләм” ғаилә форумына саҡырабыҙ.

Үткәреү урыны: Өфө ҡалаһы, Зәки Вәлиди урамы, 2-се йорт, 1-се ҡат, иртәнге сәғәт 10-да башлана.