Юлға сыҡмай тороғоҙ!

Башҡортостанда һауа торошо насарая, тип иҫкәртә республиканың транспорт министрлығы. Синоптиктар фаразлауынса, иртәгә, 3 мартта, төбәктә аяҙлы-болотло һауа торошо көтөлә. Урыны менән ҡар. Төндә һәм иртән урыны менән томан төшөүе ихтимал. Юлдарҙа күреү мөмкинлеге 500 метрға тиклем насарая. Шуға бәйле водителдәргә юлдарҙа иғтибарлы булырға, һауа шарттарына ярашлы тиҙлекте һайларға кәңәш ителә.