"Ҡурай даны" маһирҙарҙы данланы

" ҠУРАЙ ДАНЫ" Ҡурай" телеканалының күркәм һәм әһәмиәтле проекттарының береһе. Хеҙмәт кешеһен, үҙ һөнәренең оҫталарын данлай, дәртләндерә торған проект! Быйыл премия алты номинацияла тапшырылды:

«Ер кешеһе», «Ҡул оҫтаһы. Ҡатын-ҡыҙҙар», «Ҡул оҫтаһы. Ир-егеттәр”, «Иң яҡшы ауыл фельдшеры», «Миһырбанлы ғаилә», «Иң яҡшы ауыл хакимиәте башлығы». Еңеүселәргә "Ҡурай даны" көмөш миҙалы тапшырылды, ә зал заман геройҙарын алҡыштарға күмде. 

Тантана мәлендә "Ҡурай" телевизион каналының мөхәррире  Варис Исҡужин менән Юлиә Фәхретдиноваға БР Башлығы Хакимиәте етәксеһе вазифаһын башҡарыусы Азат Бадрановтың Рәхмәт хаты тапшырылды.