Ял көндәрендә ниндәй һауа торошо көтөлә?

Алдағы өс көндә Башҡортостанда епшек ҡар яуыуы, боҙлауыҡ булыуы фаразлана.

Синоптиктар мәғлүмәте буйынса, йома, 21 мартта, яуым-төшөм көтөлмәй. Ел көнбайыштан талғын. Һауа температураһы көндөҙ +1, +6°.

Шәмбе, 22 мартта, урыны менән бер аҙ епшек ҡар яуасаҡ, төньяҡтан уртасаға тиклем, айырым райондарҙа боҙлауыҡ, сымдарҙа һәм ағастарҙа епшек ҡар ятасаҡ. Көнбайыш сирек ел уртаса, урыны менән көсәйеүсән. Һауа температураһы төндә -3, -8°, көндөҙ 0, +5°.

Йәкшәмбе, 23 мартта, төндә урыны менән бер аҙ епшек ҡар яуыуы көтөлә. Көнбайыш сирек ел уртаса, урыны менән көсәйеүсән. Һауа температураһы төндә -3, -8°, аяҙытҡанда -13° тиклем, көндөҙ +1, +6°.