Яңы уҡыусыларыбыҙ ҙа бар

Журналдың беренсе ярты йыллығына яҙылыусылар араһында Ғафури районының Юлыҡ ауылынан ике уҡыусыбыҙ бүләк отоуы хаҡында хәбәр иткән инек. Егерме биш йыллап Юлыҡ мәктәбендә уҡытҡан, әлеге ваҡытта хаҡлы ялда булһа ла умартасылыҡ менән шөғөлләнгән Рәис Абдрахманов үҙенә бүләк ителгән үтекте балалар баҡсаһына биргән ине. Иң тәүгеләрҙән булып “Шоңҡар” журналының икенсе ярты йыллығына яҙылып та ҡуйҙы!

Яңы уҡыусыбыҙ ҙа бар! Ул – етмеш һигеҙ йәшлек Роза әбей Әлибаева! “Шоңҡар”ҙың һәр һанын шатланып ҡулығыҙға алырға, уҡырға яҙһын!

Хөрмәтле дуҫтар, бергә булайыҡ, берҙәм булайыҡ!