Ял көндәре лә ҡарлы булырмы?

Ял көндәрендә Башҡортостанда ҡар яуыуы ихтимал. Синоптиктар хәбәр итеүенсә, шәмбе, 12 апрелдә, төндә урыны менән бер аҙ епшек ҡар яуыуы ихтимал, көндөҙ яуым-төшөмһөҙ. Ел төньяҡтан, урыны менән көсәйеүсән. Һауа температураһы төндә -4,+1°, көндөҙ +6,+11°. Йәкшәмбе, 13 апрелдә, урыны менән бер аҙ ямғыр, ә төндә ҡарлы-ҡатыш ямғыр яуасаҡ. Ел төнбяҡтан, урыны менән көсәйеүсән. Һауа температураһы төндә -2,+3°, көндөҙ +8,+13°.