Һауа торошо үҙгәрә

Синоптиктар мәғлүмәте буйынса, шаршамбы, 14 майҙа, Башҡортостанда урыны менән ҡыҫҡа ваҡытлы ямғыр яуыуы һәм йәшен йәшнәүе көтөлә. Ел көнсығыштан, көньяҡ-көнсығыштан талғын, урыны менән көсәйеүсән. Һауа температураһы +20,+25°, таулы райондарҙа +15°тиклем. Кесаҙна, 15 майҙа шулай уҡ көндөҙ ҙә, төндә лә ямғыр яуыуы, айырым райондарҙа йәшен йәшнәүе көтөлә. Ел төньяҡ-көнсығыштан, көнбайыштан талғын, урыны менән көсәйеүсән. Һауа температураһы төндә +10,+15°, көндөҙ +15,+20°. Йома, 16 майҙа, яуым-төшөмһөҙ. Ел көньяҡ-көнбайыштан талғын. Һауа температураһы төндә +3,+8°, көндөҙ +16,+21°.