Яҡташыбыҙ яуҙа батырлыҡ күрһәтә

Белорет районының Боғанаҡ ауылынан МХО-ла ҡатнашыусы яугир Григорий Исаев ҡуйылған хәрби бурысты уңышлы үтәне. Был хаҡта район хакимиәте башлығы Азат Хәкимов хәбәр итә. Ул водитель-механик булып хеҙмәт иткән танк дошман кәртәләрендәге үткәүелде таҙарта. Был эш ваҡытында Григорий хәрби техниканы уңайлы ут позицияһына сығара. Тактик алым Рәсәй ғәскәрҙәренең штурмлау төркөмдәренә ярҙам итергә һәм ВСУ оборонаһын өҙөүҙе тәьмин итергә мөмкинлек бирә. Григорий Исаевҡа 38 йәш. Ваҡытлы хеҙмәтте, ә һуңынан контракт хеҙмәтен төньяҡ Кавказда үтә. Фиҙакәр хеҙмәте өсөн «хәрби хәрәкәттәрҙә ҡатнашыусы» миҙалы менән бүләкләнә. 2024 йылда МХО зонаһында хеҙмәт итеү өсөн контрактҡа ҡул ҡуя. Азат Хәкимов һүҙҙәренсә, Исаев ауылдаштары араһында абруйы ҙур. Ир эшһөйәр һәм бөгөн ул йортто төҙөп бөтөргә ниәтләй.