Ял көндәрендә һауа торошо ниндәй булыр?

Ял көндәрендә Башҡортостанда уртаса эҫе һауа торошо, айырым райондарҙа ямғыр яуыуы һәм йәшен йәшнәүе ихтимал. Был хаҡта Башгидрометүҙәк хәбәр итә.

Йома, 6 июндә, урыны менән ҡыҫҡа ваҡытлы ямғыр яуыуы, йәшен йәшнәүе ихтимал. Ел төньяҡ-көнбайыштан, төньяҡтан талғын, урыны менән көсәйеүсән. Һауа температураһы төндә +7...+12 градус тәшкил итәсәк, көндөҙ термометр бағанаһы +20+ + 25-кә тиклем күтәреләсәк. Шәмбе, 7 июндә, яуым-төшөмһөҙ, республиканың көньяғында бер аҙ ямғыр яуыуы ихтимал. Ел төньяҡтан талғын. Һауа температураһының төндә +7...+12 градус, көндөҙ +21...+26 градус булыуы көтөлә. Йәкшәмбе, 8 июндә, аяҙ һауа торошо һаҡланасаҡ. Төндә һауа температураһы +12...+15 градус тәшкил итәсәк, көндөҙ +23...+28.