Яугирҙарҙың ғаиләләренә Шайморатов ордены тапшырылды

Ошо көндәрҙә Аҡъяр ауылында Радий Хәбиров Хәйбулла районынан Айнур Иҙелбаев, Наил Әфләтунов, Дамир Хәмәҙиев, Рамаҙан Иманғолов һәм Станислав Кусакиндың ғаиләләре менән осрашты.Төбәк етәксеһе һәләк булған хәрбиҙәрҙең ғаиләләренә ихлас ҡайғы уртаҡлашыуын белдерҙе һәм яугирҙар хәрби бурыстарҙы үтәгәндә күрһәткән батырлыҡтары һәм ҡаһарманлыҡтары өсөн үлгәндән һуң лайыҡ булған генерал Шайморатов орденын тапшырҙы.

-Һеҙ ысын геройҙар, иҫ киткес кешеләр тәрбиәләгәнһегеҙ. Республиканың бурысы-һеҙҙең хаҡта хәстәрлек күреү, һәләк булған яугирҙарҙың ҡатындарына һәм балаларына ярҙам итеү. Беҙҙә ярҙам сараларының киң спектры эшләй, уларҙы мотлаҡ файҙаланырға кәрәк, – тине Радий Хәбиров. - Һорауҙар килеп тыуһа, муниципалитет башлығы һеҙгә һәр саҡ кәрәкле ярҙам күрһәтергә әҙер. Һәм, әлбиттә, һеҙ – районда бөтә тантаналы сараларҙың иң төп ҡунаҡтары.
Башҡортостан Башлығы Өфөлә махсус хәрби операцияла һәләк булғандарҙың иҫтәлегенә бағышлап мемориал төҙөргә планлаштырылыуы хаҡында ла хәбәр итте.Ә обелисктар һәм хәтер аллеялары республиканың һәр муниципалитетында барлыҡҡа киләсәк, тине ул.

Башҡортостан Башлығы шулай уҡ осрашыуҙа һәләк булған яугирҙарҙың ғаилә ағзалары биргән һорауҙарҙы хәл итергә йөкләмә бирҙе.