Ял көндәренә һауа торошо билдәле булды

Алдағы байрам көндәрендә Башҡортостанда эҫе һауа торошо һаҡланасаҡ. Термометр бағанаһы урыны менән +32-гә тиклем күтәрелә. Шул уҡ ваҡытта синоптиктар ямғыр, йәшен һәм айырым райондарҙа боҙ-борсаҡ яуыуы ихтималлығы хаҡында иҫкәртте. Был хаҡта Башгидрометүҙәк хәбәр итә.

Шаршамбы, 11 июндә, төндә яуым-төшөмһөҙ, көндөҙ урыны менән ҡыҫҡа ваҡытлы ямғыр яуыуы, йәшен йәшнәүе, боҙ-борсаҡ яуыуы ихтимал. Ел көнсығыштан, көньяҡ-көнсығыштан талғын, йәшен ваҡытында көсәйеүсән. Һауа температураһы көндөҙ +27+32 градус тәшкил итәсәк.

Кесаҙна, 12 июндә, урыны менән ҡыҫҡа ваҡытлы ямғыр яуыуы, йәшен йәшнәүе, айырым райондарҙа ҡойма ямғыр һәм боҙ-борсаҡ яуыуы көтөлә. Ел көньяҡтан, көньяҡ-көнсығыштан талғын, көндөҙ урыны менән көсәйеүсән. Һауа температураһы төндә +13...+18 градус буласаҡ, республиканың көнсығышында +8 градусҡа тиклем. Көндөҙ һауа +26...+31 градусҡаса йылына.

Йома, 13 июндә лә ошондай уҡ һауа торошо көтөлә.

Шәмбе, 14 июндә, бер аҙ һыуыта. Төндә +14...+19 градус, көндөҙ термометр бағанаһы +26+ + 29 градусҡаса күтәреләсәк.

Йәкшәмбе, 15 июндә, ямғыр яуыуы ихтимал. Төндә +12...+17 градус, көндөҙ +23+ + 28 градус тирәһе була.

Артабанғы көндәрҙә ямғырлы һауа торошо көтөлә. Июндең икенсе яртыһында уртаса көндөҙгө һауа температураһы +19...+24 градус буласаҡ.