Күгәрсен яугиры миҙалдарға лайыҡ булды

Яугирҙы ҡотлайбыҙ һәм һуғыш яланынан иҫән-һау әйләнеп ҡайтыуын теләйбеҙ!

Күгәрсен районынан «Шатун» ҡушаматлы яугирҙы «Батырлыҡ өсөн» һәм «Хәрби ҡаҙаныштары өсөн» миҙалдары менән бүләкләнеләр. «Башҡортостан» мотоуҡсылар полкы хәрби хеҙмәткәре хәрби бурыстарҙы үтәгәндә күрһәткән батырлығы һәм ҡаһарманлығы өсөн билдәләнде. Был хаҡта Күгәрсен районы хакимиәте башлығы Марат Исҡужин хәбәр итә.

"Ватанға хеҙмәт итеү ҙур фиҙакәрлек һәм батырлыҡ талап иткән ауыр хеҙмәт. Һәм "Шатун" кеүек кешеләр ысын геройҙарҙың беҙҙең арала йәшәүен иҫбатлай. Улар данға ынтылмай, ә хәрби бурысын намыҫ менән үтәй. Геройҙы лайыҡлы наградалары менән ҡотлайым. Ныҡлы һаулыҡ һәм уңыштар теләйем. Ватанға тоғролоғо һәм батырлығы өсөн ҙур рәхмәт!», — тип яҙҙы Марат Исҡужин социаль селтәрҙә.