Һөйөнсө! Журналдың яңы һаны сыҡты!

Баҫманың был һанында ла дуҫтарыбыҙ мауығып уҡырҙай әҙәби әҫәрҙәр, фәһем бирерҙәй, уйға һалырҙай мәҡәләләр донъя күргән.

Журналдың был һанында "Батыр" ҡушаматлы МХО яугиры тураһында "Илһөйәр булып ҡалам", М. Ғафури исемендәге Башҡорт драма театры артисы Илюзә Итекәева хаҡында "Физик булырға теләгән артист", публицист Илдар Ғәбитов тураһында "Заманыбыҙ мәғрифәтсеһе булды" һәм башҡа мәҡәләләр менән танышырһығыҙ.

Әҙәбиәт һөйөүселәргә Хисәметдин Исмәғилевтың "Таштүккән - серле ҡулса" романын, Гөлиә Ишемйәрованың "Бәхеткә илткән юлдар", Венер Исхаҡовтың "Ҡуй инде, килендән уңманыҡ", Рәзилә Ырыҫҡужинаның "Бәхетле булғым килә" хикәйәләрен һәм Лариса Абдуллинаның шәлкемдәрен тәҡдим итәбеҙ.

Бынан тыш журналда файҙалы кәңәштәр, уйланырлыҡ яҙмалар баҫылды. Улар ҙа һеҙгә оҡшар тип ышанабыҙ!