Һеҙ ҙә мотлаҡ килегеҙ!

"Рәхәттә" — Өфөнөң "Ҡашҡаҙан" паркында мунса мәҙәниәтенә арналған иң ҙур ваҡиғаларҙың береһе. Программала - мәҙәни, спорт саралары, эшлекле осрашыуҙар, фитнес-күнекмәләр, оҫталыҡ дәрестәре, шоу, Рәсәйҙең алдынғы пармастерҙарынан коллектив парлашыуҙар, релаксацион практикалар һәм массаж зоналары, һыу күңел асыуҙары, дискотека, гастрофестиваль һәм башҡалар. Күңел асыу компонентынан тыш, форум бизнесты үҫтереүгә, һаулыҡты нығытыуға һәм социаль ярҙамға йүнәлтелгән. Ул Башҡортостан хөкүмәте булышлығында ойошторола. Ике көн дауамында бай программа буласаҡ, һәр йәш өсөн ҡыҙыҡлы урын табыласаҡ.