Өфөлә "Рәхәттә" фестивале башланды

Башҡортостандың баш ҡалаһына «Рәхаттә» халыҡ-ара һаулыҡ һәм туризм фестивалендә ҡатнашыусылар һәм ҡунаҡтар килә Өфөнөң «Ҡашҡаҙан» паркында бөгөн, 26 июлдә, һәм иртәгә, 27 июлдә, бик күп локацияларҙы, сараларҙы һәм әүҙемлектәрҙе үҙ эсенә алған иҫ киткес мунса фестивале үтә. «Рәхәттә» халыҡ-ара һаулыҡ һәм туризм фестиваленә Рәсәйҙән һәм яҡын сит илдәрҙән 25 меңгә яҡын ҡунаҡ килер тип көтөлә.

Мунса мәҙәниәтенә арналған ҙур сараны асыу тантанаһы фитнес-марафондан башланды. Бизнес-зарядканы олимпия чемпионы, фехтование буйынса атҡаҙанған спорт мастеры Аделина Заһиҙуллина һәм паралимпия уйындарының ике тапҡыр көмөш һәм бронза призеры, еңел атлетика буйынса атҡаҙанған спорт мастеры Анна Кулинич-Сорокина үткәрҙе. Һалҡын һауа торошона ҡарамаҫтан, сара ҡатнашыусыларҙы энергия менән тултырҙы. Байрамда ҡатнашыусыларға һәм ҡунаҡтарға сәләмләү һүҙендә бр эшҡыуарлыҡ министры Зөһрә Гордиенко Башҡортостанда термдарҙың үҫешен билдәләне, был иҡтисади үҫешкә һәм халыҡты һауыҡтырыуға булышлыҡ итә.

Фестивалдең үҙәге булып һауаға тултырылған мунсалар һәм оҫталарҙың авторлыҡ шоу-программалары менән мунса ҡаласығы тора. Шулай уҡ мунса ҡорамалдары етештереүселәрҙән 30-ҙан ашыу экспозиция көтөлә. 26 июлдә коллектив парлашыу буйынса Рәсәй Чемпионаты финалы, ә 27 июлдә Волга буйы федераль округының һайлап алыу этабы үтә, еңеүсе август айында суздалдә бөтә рәсәй финалында округ исеменән сығыш яһай.

Фото: Юлай Кәримов