“Шоңҡар”ҙың ноябрь һаны сыҡты!

Журналдың был һаны ла уҡымлы һәм фәһемле яҙмаларға бай. Башҡортостандың халыҡ шағиры Гүзәл Ситдиҡованың “Ғүмер оҙонлоғо көн” тигән яңы повесы донъя күргән. Билдәле тележурналист Шәүрә Ғилманова менән  уның телһеҙ бала сағы, ата-әсәһе, тормошондағы төрлө сетерекле ваҡиғалар хаҡында мауыҡтырғыс  әңгәмә бирелгән. Рәсәй Геройы Алмаз Сафин хаҡында Лариса Абдуллина яҙған һүрәтләмә батырҙың яҡты образын күҙ алдына баҫтыра.

“Бер көнлөк сәхифә”лә хәбәрсебеҙ Рәзинә Зәйнетдинованың Ғафури районы үҙәк дауаханаһының баш табибы Хәкимйән Сәфәрғолов менән ойошторған  яҙмаһы ла журнал уҡыусылар күңеленә хуш килер тип ышанабыҙ.

Әйткәндәй, гәзит-журналдарға яҙылыу дауам итеүен иҫегеҙгә төшөрәбеҙ. 
Икенсе ярты йыллыҡҡа "Шоңҡар"ға 952 һум 62 тингә яҙылырға була. Индексы – П2711. Шулай уҡ Матбуғат йортонан үҙегеҙ килеп алыу шарты менән дә яҙыла  алаһығыҙ. Хаҡы – 570 һум.

Әйткәндәй, атай-әсәйҙәрегеҙгә, туғандарығыҙға, дуҫтарығыҙға "Шоңҡар"ҙы яҙҙырып шәп бүләк эшләй алаһығыҙ.