Беҙ йәшәй ҙә алмаҫ инек...

Бер билдәле фотограф Африканың иң төпкөл яҡтарында йәшәгән халыҡ янына эш сәфәре менән бара. Ялан тәпәй йүгереп, ырғып-һикереп йөрөгән бер төркөм балаларға ярыш ойоштормаҡсы була.

– Кем дә кем күрһәтелгән арауыҡта йүгереп беренсе килә, шуға бер кәрзин тәмлекәстәр биреләсәк, – ти ул ярыш шарттарын аңлатып.

Тиҙҙән старт бирелә. Саң туҙҙырып бер-береһен уҙырға тырышып йүгерергә тейеш балалар, бер рәткә теҙелеп етәкләшәләр ҙә, атлап ҡына финиш һыҙығына табан китеп баралар, ти. Фотограф аптырауҙан асҡан ауыҙын да ябырға онотоп ҡарап тора бер мәл.

– Һуң, иң етеҙ, иң шәп йүгереүсе арағыҙҙа юҡмы ни? Бер кәрзин тәмлекәстәр берәүҙең дә эсен тишмәҫ ине, – ти ул.

– Берҙәмлек менән көслөбөҙ, – ти балалар. – Ҡырағай тәбиғәт араһында бер-беребеҙгә ауыр саҡта таяна алмаһаҡ, беҙ йәшәй ҙә алмаҫ инек...

Фото интернеттан алынды.