Маймыл, һарыҡ менән йәшәмәгеҙ!

Беҙҙә ауырлыҡһыҙ йәшәр өсөн ғаилә башлығы айына кәмендә 150 – 250 мең һум эшләргә тейеш, ти Рәсәйҙә йәшәүсе ҡатын-ҡыҙҙар. Уларҙың 44%, ир-егет тулыһынса яңғыҙы ғаиләнең матди хәлен ҡарарға тейеш, тигән фекерҙә. Бары тик ике процент гүзәл зат ҡына үҙенең эш хаҡын ғаиләһе өсөн тотонорға риза имеш.

Ә блогерҙарҙың фекерен тыңлаһаң, сәстәр үрә торорлоҡ. “Айына ярты миллион самаһы эшләгән ир генә кеше”, - тиҙәр һәм уларҙың эш хаҡтарының күләменә ҡарап уларҙы төрлө кейек-януар менән сағыштырып: “Үҙегеҙҙең баһағыҙҙы төшөрмәгеҙ. Маймыл, һарыҡ менән йәшәмәгеҙ!” – тип аҡыл һаталар.

Фото интернеттан алынды.