Бик яҡшы идея

Өфө аэропортында пассажирҙар өсөн китапхана асылған. Эске рейстарҙың осоу биләмәһендә, 5-се сығыу урыны янында, ололар һәм балалар өсөн бәләкәй генә китапхана барлыҡҡа килгән.

Теләгән бер китапты кәштәнән алырға, уны самолёт көткән арала уҡырға мөмкин, ә аҙаҡ кире урынына ҡуйырға кәрәк.

Бик яҡшы идея. Ваҡытты файҙалы итеп үткәрергә лә һәйбәт, донъяның төрлө тарафынан килгән пассажирҙарға башҡорт һәм башҡа халыҡтар әҙәбиәте менән танышыр өсөн дә отошло алым.

Фото интернеттан алынды.