Ошо башҡорт егеттәре самолетта пассажирҙы үлемдән ҡотҡара

Белорет үҙәк район клиник дауаханаһы табиптары самолет бортында пациентты ҡотҡарған.

Өфө - Хургада рейсында, самолет һауаға күтәрелгәндән һуң 1,5 сәғәт үткәс 56 йәшлек ирҙең ҡан баҫымы 85/45-кә тиклем төшә, пульсы 46-ға етә, аңын юғалта башлай. Яҡындағы аэропортҡа тиклем 2,5 сәғәт бар.

Бортта 35 йыллыҡ стажы булған табип Альберт Ғарипов һәм уның улы - травматолог-ортопед Айгиз Ғарипов була. Улар пациенттың хәлен стабилләштерә һәм 3,5 сәғәт дауамында күҙәтә. Уларҙың эшмәкәрлеге арҡаһында ауыр эҙемтәләрҙән ҡотолорға мөмкин була.

"Урал" гәзитенән