Тәрбиәсеһе ниндәй, балалары ла шундай

Ниғмәтуллина Ләйсән Ринат ҡыҙы  Өфө ҡалаһының 3-сө балалар баҡсаһының “3-сө йомро икмәк” төркөмөндә тәрбиәсе булып эшләй. Сығышы менән Ейәнсура һылыуы ҡул эштәренә оҫта. Балаларҙы ла үҙенең өлгөһөндә тәрбиәләргә тырыша. Ул алып барған “Тамсыҡай” түңәрәгендә бәләкәстәр башҡорт халҡының милли кейемдәре, ғөрөф-ғәҙәттәре, аш-һыуы, туған телебеҙҙә сыҡҡан китаптар менән таныша. Оҫта ҡуллы тәрбиәсе төркөмөнә йөрөүсе ҡыҙҙарға стилләштерелгән түшелдеректәр, ә малайҙарға түбәтәйҙәр тегеп тә кейҙергән. Үҙ ҡулдары менән эшләгән әйберҙәрҙе ҡулланып төрлө әкиәттәрҙе лә сәхнәләштерәләр.

Ләйсән Ринат ҡыҙын һөнәри байрамы менән ҡотлап эшендә уңыштар теләйбеҙ.