Ғафури бейеүселәре бит улар!

 Стәрлетамаҡ ҡалаһында "Ижадсылар һәм таланттар" Бөтә Рәсәй бейеү конкурсына Ғафури районы бейеү коллективтары уңышлы сығыш яһаны. Халыҡ традицияларын һаҡлағандары өсөн "Быҙыбыт" өлгөлө балалар халыҡ бейеү коллективы (етәкселәре - Илшат Хәбибуллин) Гран-приға, ансамблдең кесе һәм өлкән төркөмдәре 1-се дәрәжә Лауреат, солист Илшат Ҡотов 2-се дәрәжә Лауреат исемдәренә лайыҡ булды. Айгөл Буранова етәкләгән "Айгүзәл", "Төлкәҫ" өлгөлө бейеү коллективтары һәм солистка Самира Ноғайғолова 1-се дәрәжә Лауреат исемдәренә, "Аманат" (Балалар ижады үҙәге) бейеү коллективы 3-сө дәрәжә Диплом яуланы. Талантлы бейеүселәрҙе һәм уларҙың талантлы етәкселәрен ҡотлайбыҙ, яңынан-яңы үрҙәр, зал тулы тамашасылар теләйбеҙ!

"Табын" гәзитенән.