Иҫтәлекле саралар шағирҙың тыуған яғында – Тәтешле районында башланасаҡ. Иҫке Соҡор ауылында уның йорт-музейына таҡтаташ ҡуйыла. Сарала ҡатнашыусылар мәсеткә, Ғ. Соҡоройҙоң ҡәберенә бара. Үрге Тәтешлелә райондың тарих-тыуған яҡты өйрәнеү музейында шағирҙың тормошо һәм ижадына бағышланған күргәҙмә була.

8 ғинуарҙа район үҙәгендәге “Әсән хан вариҫтары” тип аталған концерт программаһын театрлаштырылған пролог – “Табын ырыуы тарихы” менән асыу ҡаралған. Сараларҙа популяр “Арғымаҡ” этно-рок төркөмө, “Зәйнетдин” шоу-проекты ҡатнаша.