НАСАРМЫ, ЯҠШЫМЫ?

Фермер улына күк ат һатып ала. Күршеләре, уның ҡыуанысын уртаҡлашып:
— Беҙгә ундай бүләктәр эләкмәй ине.
Ҡайһылай яҡшы! — тиҙәр.
— Бәлки, — тип кенә яуап бирә фермер.
Бер нисә көндән ул ат ҡаса.
— Ҡайһылай насар хәл! — тиҙәр фермерға күршеләре.
— Бәлки, — тип тыныс ҡына яуап бирә фермер. Иртәгеһенә юғалған ат бер нисә ҡырағай атты эйәртеп ҡайтып инә.
— Бәхетең бар! — Күршеләре фермер өсөн ҡыуана.
Фермер "бәлки" һүҙен ҡабатлауҙан ары китмәй. Бер аҙҙан фермерҙың улы, ҡырағай атты өйрәтәм тип, аяғын һындырып ныҡ ҡына зәғифләнә.
— Бик ауыр хәл, — тип йыуатырға тырыша күршеләре. Әммә фермер бер ҙә борсолмай:
— Бәлки, — тип кенә ҡуя.
Шул уҡ аҙнала һуғыш башланып китә. Бөтә егеттәрҙе армияға алып китәләр. Фермерҙың аяғы имгәнгән улы ғына ҡала.
— Бәхетең бар, — тиҙәр күршеләре.
— Бәлки, — тип яуап бирә фермер...

БЫНА ШУЛАЙ ДОНЪЯ БИК ҠЫҘЫҠ ҠОРОЛҒАН. УНДА БЕР-БЕРЕҺЕНӘ БӘЙЛЕ ЛӘ, БӘЙҺЕҘ ҘӘ ӘЛЛӘ НИСӘ ХӘЛ-ВАҠИҒА БАРА. ҠАЙҺЫҺЫ – ЯҠШЫҒА, ҠАЙҺЫҺЫ – НАСАРҒА, ҠАЙҺЫҺЫ УҢЫШҠА АЛЫП КИЛЕҮЕН АЛДАН КҮҘАЛЛАП БУЛМАЙ. ҒҮМЕР ШУНЫҺЫ МЕНӘН ҠЫҘЫҠЛЫ ЛА.