Азат БАДРАНОВ:" «Йөрәк һүҙе»ндә осрашабыҙ!

Бөгөн Өфөлә "Йөрәк һүҙе" шиғриәт бәйгеһе үтәсәк. Был хаҡта үҙенең "Бәйләнештә" сәхифәһендә Башҡортостан Хөкүмәте Премьер-министры урынбҫары Азат БАДРАНОВ:"Йөрәк һүҙе» республикала бишенсе тапҡыр уҙғарыла һәм ул бренд сараһына әүерелде. Миңә ул туған телгә һәм шиғриәткә һөйөү тәрбиәләүе менән оҡшай. Шиғыр бәйгеһе оҙаҡ йәшәр тип ышанам!" - тип яҙған. Әйткәндәй, һеҙ был сараға киләһегеҙме? Оҡшаймы?

“Әйтер һүҙем бар” тигән проект менән башлап ебәргәйне күренекле замандашыбыҙ, сәнғәт әһеле Наилә Сәфәрғолова шиғыр һөйләү буйынса телевизион тапшырыуҙы.

Бөгөн халыҡ араһында популярлыҡ яулаған, тәрән ҡыҙыҡһыныу уятҡан “Йөрәк һүҙе” башҡорт шиғриәтен һөйөүселәр конкурсы республикабыҙҙа ғына түгел, унан ситтә йәшәгән милләттәштәребеҙ араһында ла иң яратып ҡаралған, көтөп алынған сараларҙың береһенә әйләнде.

“Йөрәк һүҙе” – ул башҡорт теленә, башҡорт халҡының бөгөнгөһөнә мөнәсәбәт, тәрән һөйөү. “Йөрәк һүҙе” – ул тарихыңа таянып киләсәгеңде хәстәрләү, һүҙ сәнғәте аша гражданлыҡ позицияңды белдереү. “Йөрәк һүҙе” – милләтеңә тоғролоҡ, йөрәктәге ихтилалдарҙы заманса ысулдар менән халыҡҡа еткереү.