Ҡазанда татар халҡының төп әҙәби һәм ижтимағи  баҫмаһы "Казан утлары" журналының 100 йыллығына арналған байрам саралары барыуы хаҡында хәбәр иткәйнек  инде. Тантанала Башҡортостандан "Шоңҡар" йәштәр журналының баш мөхәррире, билдәле яҙыусы Айгиз Баймөхәмәтов та ҡатнаша.  «Татмедиа» акционерлыҡ йәмғиәте  генераль директоры Шамил Саҙыҡов журналдың юбилейы уңайынан бер төркөм төрки илдәрҙән килгән яҙыусы-зыялылар менән осрашты, бүләктәр тапшырҙы. Улар араһында Айгиз Баймөхәмәтов та бар. Ҡотлайбыҙ, Айгиз Ғиззәт улы!