Шоңҡар
+15 °С
Болотло
75 лет Победы
Бөтә яңылыҡтар

Уның һеҙҙең кеүек туғандары юҡ

Һеҙ уның килешмәгән күҙлек кейеп йөрөүен күргәнегеҙ юҡтыр әле.

Уның һеҙҙең кеүек туғандары юҡ
Уның һеҙҙең кеүек туғандары юҡ

Бөтөн ғаилә ағзалары, киске ашты ашау өсөн, өҫтәл артына йыйылғандар ине. Оло ағайҙары күрше ҡыҙына өйләнергә теләгәнен хәбәр итте. Атайы
ризаһыҙлығын белгертеп:
— Уның атайы фәҡирлектә йәшәне. Шуға күрә ҡыҙына ла бер нимә лә ҡалдыра алманы, — тип әйтә.
Әсәйе иһә ҡушылып:
— Ул бит аҡса тота алмай. Бөтөн эшләгән аҡсаһын бик тиҙ туҙҙырып бөтөрә.
Һүҙгә бәләкәй ҡустыһы ла ҡушыла:
— Ул бит футбол хаҡында ла бер нимә лә белмәй.
Һүҙгә апайы ла ҡушылып китә:
— Һеҙ уның битен күргәнегеҙ бармы?
Уның бите һипкелдәр менән тулған бит.
Еҙнәһе лә үҙенең һүҙен әйтте:
— Уның бөтөн белгәне телевизор ҡарау ғына бит.
Өләсәһе лә ҡалтырана - ҡалтырана:
— Ул бит төҫөн килтереп кейенә лә белмәй, — тип әйтеп ҡуя.
— Һеҙ уның килешмәгән күҙлек кейеп йөрөүен күргәнегеҙ юҡтыр әле, — тип ҡартатайы ла һүҙгә ҡушыла.
Был бөтөн тәнҡиттәрҙе тыныс ҡына тыңлап торған улдары:
— Эйе, шулайҙыр. Әммә ләкин уның берегеҙҙә лә булмаған бер өҫтөнлөгө бар, — тип әйткәс, бөтөн ғаиләһе бер тауыштан:
— Ниндәй өҫтөнлөгө? — тип һорайҙар.
— Уның һеҙҙең кеүек туғандары юҡ, —
тип яуап ҡайтара улдары.
Хөрмәтле дуҫтарым, кешенең кәмселеген күрә белеү ғорурлыҡ түгел.
Етешмәгән яҡты күреү сифаты һәр бер кешелә бар. Киреһенсә, кешенең яҡшы яғын күреп, уңай баһа бирә белеү — ысын ғорурлыҡ. Тормошта шуны күҙәтеп була: үҙҙәре кәмселлектәр соҡорона төшөп батҡан уҫал һәм насар
кешеләр башҡаларҙағы яҡшы сифатты күрә алмайлар. Аллаһу Тәғәлә беҙҙе шундай хәлгә төшөүҙән һаҡлаһын.

Мәхмүт хәҙрәт Шәрәфетдин.

Автор:
Читайте нас в