Кеше ҡәҙере Минира БИКӘНӘСОВА

Үҙебеҙҙе генә ҡайғыртабыҙ,
Уйламайбыҙ кеше хаҡында.
Аңын-тоңон аңлап тормайынса
Ялған таратабыҙ артында.
Кеше ҡәҙерҙәрен онотабыҙ-
Йылы ҡараш,һүҙҙәр йәлләйбеҙ.
Донъя ҡыуып йыуанабыҙ ҙа бит
Күпме ғүмер ҡалған белмәйбеҙ.
Хеҙмәт кешеһенә хөрмәт бөттө,
Ябайлыҡта ине бөйөклөк...
"Даһи"ҙарҙың күҙе томаланған-
Дәрәжәләр яулай бейеклек!
Кешеләрҙән кеше һис кәм түгел
Ҡәҙерҙәргә берҙәй хаҡлыбыҙ!
Алтынға тиң фани донъяларҙа
Ҡиммәт булһын ине хаҡыбыҙ!