Халыҡ артисына таҡтаташ асыла

19 июнь 11 сәғәттә РСФСР-ҙың атҡаҙанған артисы, БАССР-ҙың халыҡ артисы Хәмит Ғатаулла улы Яруллинға йәшәгән йортонда таҡтаташ асыла.
Хәмит Яруллин 1959 йылда ГИТИСты тамамлағандан һуң, үҙенең ижади юлын Башҡорт дәүләт академия драма театрында башлай.
1992-1998 йылдарҙа Стәрлетемаҡ театрында эшләй. 1998 йылдан яңынан Башдрамтеатрға ҡайта.

Хәмит Ғатаулла улы Яруллин 1935 йылдың 25 февралендә Башҡорт АССР-ының Малаяҙ районы (хәҙер Башҡортостан Республикаһының Салауат районы) Ахун ауылында тыуған.

1954—1959 йылдарҙа А. В. Луначарский исемендәге Дәүләт театр сәнғәте институтында (ГИТИС) (педагогтары Б. В. Бибиков һәм О. И. Пыжова) уҡый.

• 1959—1987 йылдарҙа, 1998 йылдан — Мәжит Ғафури исемендәге Башҡорт академия драма театры артисы.
• Бер үк ваҡытта 1961—1980 йылдарҙа Өфө сәнғәт училищеһында, ә 1970—1971 йылдарҙа — Өфө дәүләт сәнғәт институтында уҡыта. «Алтын атлы һыбайлы» (1980), «Ауыл өҫтөндә йәйғор» (2001) фильмдарында төшә.
• 1987—1992 йылдарҙа — «Башҡортостан» дәүләт телерадиокомпанияһы режиссёры (Аҡмулла, Кәрим Тинчурин, Сыңғыҙ Айытматов әҫәрҙәре буйынса спектаклдәр ҡуя).
• 1992—1998 йылдарҙа — Стәрлетамаҡ башҡорт дәүләт драма театры артисы.

Хәмит Яруллин — 1961 йылдан алып театр эшмәкәрҙәре Союзы ағзаһы.

2015 йылдың 5 июнендә Өфөлә вафат була. Тыуған ауылы Ахунда ерләнә^[1].

Сығанаҡ: Башдрам

Фото: Башдрам