Уҡытыусы төшө Минира БИКӘНӘСОВА

"Уҡытыусы йылы" тигәс
Шатланды "беҙҙең" халыҡ.
Изге һөнәр кешеләре
Көттөләр арып - талып.
Берҙәм тариф сеткаһына
Индергәс төҙәтмәләр,
"Күң(е)ле көрҙөң- эше көйлө":
Күренде һөҙөмтәләр!
Сик ҡуйылды ЕГЭ менән
Уҡыусы ҡурҡытыуға!
Еңел генә күстек, имеш
Советса уҡытыуға.
Күңел биреп эшләүселәр
Бер тынала оттолар:
Ялған отчет һораусы юҡ,
Ебәреү юҡ фотолар.
Үҙгәреп киттек үҙебеҙ
Йөҙөбөҙ нурҙар сәсә,
Тырышалар бала-саға
Ҡыуана ата-әсә.
Ихтирам, хөрмәт булғанда
Күтәрелә шул күңел,
(Ҡырҡ атаның ҡырҡ балаһын
Уҡытыу еңел түгел).
Хыял ысынға ашырмы,
Әллә булыр төш кенә?
Кәртәләрҙе емерергә
Үтмәҫ инде теш кенә...(