Теләк Айһылыу ҒАРИФУЛЛИНА

Алмашына ваҡыт. Миҙгелдәрҙең

Артынсаһы килә алмашына.

Әле генә сәскәле йәй ине,

Ана, алмағастар алма һона.

Алмашына дуҫтар. Иҫкеләре

Яңырталар хәтирәләр илен.

Алмашынаң икән хатта үҙең

Ғүмереңә уралһа йоп-иллең.

Алмашына икән ҡиммәттәр ҙә -

Элек алтын булған, бөгөн - баҡыр.

Шундай заман: дуҫ тигәнең һатыр,

Һин кәмләгән батҡаныңда тартыр....

Алмашына икән барыһы ла -

Аҡылың да, хатта фекер-уй ҙа.

Намыҫымды ғына алмаштырмай

Барып етһәм ине һуңғы туйға.