Шағирҙың рухы шат булғандыр

Рәмил Ҡол-Дәүләт арабыҙҙан 39 йәштә генә китһә лә, халыҡ күңелендә мәңге һаҡланырҙай ижад ҡалдырҙы

Башҡортостан Яҙыусылар союзы менән БР Милли әҙәбиәт музейы бөгөн Әбйәлил районы Сиҙәм ауылында бик сауаплы сара ойошторҙо. Талантлы шағир, драматург, донъянан 39 йәшендә генә киткән талантлы ҡәләмдәшебеҙ Рәмил Ҡол-Дәүләттең хәтер кисәһе бик йылы, тулҡынландырғыс булды. Сарала Рәмил Хөснөтдин улының туғандары, БР Яҙыусылар союзы ағзалары, уның замандаштары, рухташтары, ауылдаштары, мәктәп уҡыусылары ҡатнашты.

Рәмилгә 65 йәш тулған булыр ине бөгөн. Уның әҫәрҙәре көслө, бөгөн дә актуаль һәм иғтибарға лайыҡ. Халыҡ улын онотмай, ярата һәм уға бик рәхмәтле!

Фото: "Осҡон"