Бөтә яңылыҡтар
Йәшәйеш
16 Декабрь 2017, 23:36

Кәмселектәр вә изгелектәр

Изгелек эшлә лә һыуға һал - балыҡ белер, балыҡ белмәһә, халыҡ белер...

Уҡыусылар остаздарынан:

- Үҙеңдең кәмселектәрең һәм яҡшылыҡтарың менән нисек эш итергә? - тип һораған. Яуап урынына һорау ишеткәндәр:

- Яҡшы орлоҡто ергә күмһәң, ни була?

-Үҫеп сығасаҡ һәм һәйбәт уңыш бирәсәк.

- Ә улар ергә күмелмәй, өҫтә, эҫе ҡояш аҫтында ятып ҡалһа, ни була? - тип һорау алыуын дауам иткән уҡытыусы.

- Улар үләсәк! - тигән уҡыусылар бер икеләнеүһеҙ.

- Әгәр насар орлоҡтар менән ошо ғәмәлдәрҙе атҡарһаң, нимәгә өлгәшербеҙ?

- Күмеп ҡуйһаң, файҙаһыҙ, зарарлы ҡый үләндәре үҫеп сығасаҡ. Әгәр ҡояш аҫтында ҡалдырһаң, улар ҙа үлә.

Быға остаз шулай яуап бирә:

- Кешеләр үҙҙәренең изге ғәмәлдәрен ғәм алдына сығарып, ә кәмчелектәрен төпкәрәк йәшерергә тырышып яңылыша. Был, ергә күмелгән насар орлоҡтар ише, тамыр ебәреп, алама үҫентеләр ҡалҡыуға килтерә. Ә бырһын да киреһенсә эшләргә кәрәк: яҡшылыҡтарығыҙҙы күңел төпкөлөнә йәшерһәгеҙ, улар бөйөк эштәр булып үҫешәсәк. Ә кәмселектәрҙе ҡояш нурҙарына дусар итеү зарур - уларҙы юҡҡа сығарасаҡ.


ҠЫҪҠАҺЫ, ИЗГЕЛЕК ЭШЛӘ ЛӘ ҺЫУҒА ҺАЛ - БАЛЫҠ БЕЛЕР, БАЛЫҠ БЕЛМӘҺӘ, ХАЛЫҠ БЕЛЕР.